بعيونچ حزن

مشاهدات




خلود الحسناوي / بغداد 



اني ماعرفچ يابت الناس ..

لكن الچ عندي إحساس

يكول بعينچ الحلوة 

حزن وهموم ..

يهد اجبال والعباس

عندچ حزن موتني ..

وريت احساسي بيه غلطان

لــــو وهمان

يعيني ايجوز ..

الألم عودنــي ..

اشوف احزان

كل انسان ،

بعيد گرَيِّب ومحبوب ..

هيچ يجوز ..

خليني على بالچ

لا .. لا تنسين

اكمل شغلي وي دنياي 

وارجعلچ ..

تحچيلي على هموچ

على حزنچ

لو بالسكته اتضلين ؟؟!!

لو ترديــن ..

الچ اني اضل متاني

لو ترديــن ..

حتى بهمچ اتبوحين 

لو ترديـــن .

0/أرسل تعليق

أحدث أقدم
قطاف الاخباري