کلام الطیب

مشاهدات



صدام جلوب الٲوسي



ردت أگلك زاجلك عدِّه على غيري وماحچيت

ودفنته أبير سري وگتلة موت


وكلام الطيب سمعتك لجل عشرتنه تدوم

هيچ آنه حسبتهه وياك للتابوت


نيه بيظه وگلب صافي

اصفه من الذهب وأثمن من الياقوت


ماأعرف حقد لا عندي غش

صرتلهم جسر والرايد يفوت


على چتفي شلتهم عبرتهم صوب البعيد

ولمَّن أمَّنو سموني حوت


الله شاهد ماخنتهم 

حتى لوهمسه بكلام


صرت شمعة ومن أجاهم ليل

رظيت احترگ بس لايمرهم ظلام


وأنه الفارس ذاك الهابته حيود

والخيل تعرفني من أللزم اللجام


لوصار اطراد وشتد الوطيس

حاظر بيوم الزحف متحزم حزام


وإذا العاديات اظبحن في ساحت الكون

أنة مورياتي اقدحن في جنح الظلام


عليه ظلمت دنيتي شلون ظلماي

بچيت وما بعد بالعين ظل ماي

أنه الچنت اشوفك ماي طعت ظل ماي

سراب وتاهت دروبك عليه

0/أرسل تعليق

أحدث أقدم
قطاف الاخباري